22:43 / 13.12.2016
6 662

Chumolilar o‘zlarining oynadagi aksini taniy olishlari ma’lum bo‘ldi

Chumolilar o‘zlarining oynadagi aksini taniy olishlari ma’lum bo‘ldi

Bryussellik olimlarning tadqiqotlari shuni ko‘rsatdiki, chumolilar o‘zlarining oynadagi aksini taniy olar ekan. Ayrim primatlarga xos ushbu xususiyat odatda o‘zlik va ong borligidan dalolat hisoblanadi, deb xabar beradi «Daryo».

Belgiyalik entomologlar Mari-Kler va Rojer Kammer tadqiqot natijalarini 2015 yilda chop etgan edi. Tajribalar malla chumolilarda o‘tkazildi.

O‘ntacha hasharot ichida oyna bo‘lgan lotokka solib qo‘yildi. Uning qarshisida turgan chumolilar boshlarini va murtlarini qimirlatib, o‘z aksiga tegishga urinar edi.

Chumolilarning ikkinchi guruhi esa shaffof devor bilan bo‘lingan idishga solindi. Bu holda chumolilar shisha to‘siq hamda uning ortidagi boshqa chumolilarga hech qanday e’tibor qaratmadi.

Tajribalarning ikkinchi qismida olimlar hasharotlar boshining oldi qismi — klepiusga buyoq surtdi. Boshida ko‘kish dog‘ni ko‘rgan hasharotlar uni o‘chirishga urindi. Buyoq rangi xitin qobiq singari malla rangda bo‘lsa yoki boshning orqa qismida joylashsa, hasharotlar uni o‘chirishga urinmadi.

Shuningdek, ko‘k buyoq surtilgan hasharotlarga ularning qavmdoshlari hujum qilishi kuzatildi. Bundan olimlar chumolilar qavdoshlarini faqat xemoresepsiya yordamida emas, balki yuzidan ham tanishi haqida xulosa qildi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Chumolilar o‘zlarining oynadagi aksini taniy olishlari ma’lum bo‘ldi