10:52 / 22.09.2016
10 495

Siyosat ortidagi haqiqat: Angela Merkel aslida kim?

Siyosat ortidagi haqiqat: Angela Merkel aslida kim?

Germaniyada “Merkel ensiklopediyasi: A dan Ya gacha” deya nomlangan kitob chop etildi, deb yozmoqda Qalampir.uz sayti. Germaniya kansleri Angela Merkel haqidagi kitob muallifi Berlindagi “Reuters” agentligi muxbiri Andreas Rinke bo‘lib, u 16 yil davomida kanslerning hayotini kuzatib borgan. Muallif aslida mutaxassisligi bo‘yicha tarixchi ekanligini inobatga oladigan bo‘lsak, bu kitob siyosat olamida nafaqat mashhurlikka erishish, balki dunyo hamjamiyatidagi siyosatchilar uchun ham muhim manba bo‘lishini taxmin qilish mumkin.

447 sahifadan iborat kitob Angela Merkelning siyosat olamidagi faoliyati hamda shaxsiy hayoti borasidagi muhim va qiziq faktlar, voqea va tafsilotlar haqida hikoya qiladi. Bu kitobni o‘qigan har qanday kishi “Angela Merkel kim?”, degan savolga batafsil javob topa oladi.

Ko‘plab davlat arboblari Angela Merkelning ayol bo‘lishiga qaramasdan siyosat olamida mustahkam o‘ringa egaligini tan olishgan. Yangi “Merkel ensiklopediyasi” kitobi Angela Merkel xonimning inson sifatida ko‘pchilikka noma’lum bo‘lgan asosiy hislatlarini kashf etishga yordam beradi.

Kitob 21 sentyabrdan Germaniyada sotuvga chiqqanligi haqida ma’lum qilinmoqda.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Siyosat ortidagi haqiqat: Angela Merkel aslida kim?