7 103
Shavkat Mirziyoyev: Tez tibbiy yordamga kechikib borish odat tusiga aylanib qolgan
O‘zbekiston Prezidenti Shavkat Mirziyoyev 2017 yilning 5 yanvar kuni Sog‘liqni saqlash sohasining bir guruh etakchi mutaxassislari bilan uchrashdi. Videokonferensiya shaklida tashkillashtirilgan tadbir respublikaning barcha hududlari bilan bog‘langan holda o‘tkazildi, deyiladi Kun.uz sayti ma’lumotida.
Davlatimiz rahbari O‘zbekistonning ijtimoiy hayotida sog‘liqni saqlash sohasi qanchalik muhim o‘rin tutishi, sog‘lom avlod kelajagi aynan shu sohaning samarali faoliyatiga uzviy bog‘liqligi xususida so‘z yuritdi.
"Tez tibbiy yordam ko‘rsatish xizmati samaradorligi, tezkorligi va sifati umuman talabga javob bermaydi. Shu sababli ushbu xizmat turiga aholidan e’tirozlar juda ko‘p kelib tushmoqda. Masalan, virtual qabulxonaga kelib tushgan murojaatlarda tez tibbiy yordam brigadalarining kechikib kelishi, mashinalar, yoqilg‘i va dori-darmonlar etishmasligi ko‘rsatib o‘tildi. Bu borada alohida ta’kidlash zarurki, tez tibbiy yordamga murojaatlarning 35 foizi ambulator poliklinika tizimida hal etilishi mumkin. Tez tibbiy yordamga kechikib borish odat tusiga aylanib qolgan. Endi o‘zingiz o‘ylab ko‘ring, tez tibbiy yordam xizmati kechikib kelsa, kasallarning holi nima kechadi?"
Davlatimiz rahbari tez tibbiy yordamning vaqtida ko‘rsatilmasligi natijasida qanchadan qancha bemorlar hayotdan ko‘z yumishi kuzatilayotgani haqida kuyinib so‘zladi. Mazkur tizimning tarkibiy tuzilishini qaytadan ko‘rib chiqish vaqti kelgani ta’kidlandi. Eng yangi tashxis va davolash uskunalari bilan tizimli asosda qayta jihozlash, zamonaviy mobil tibbiy uskuna va aloqa vositalari bilan ta’minlangan maxsus avtotransportlarni qo‘shimcha ajratish masalasini hal qilish zarurligi qayd etildi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi