22:49 / 26.12.2016
8 007

Andijonda qilichbozlik majmuasi ochildi

Andijonda qilichbozlik majmuasi ochildi

Andijonda yangi qilichbozlik majmuasi foydalanishga topshirildi, deb xabar qildi Gazeta.uz sayti.

Sport saroyi 24X42 o‘lchamdagi 8 tadan 10 tagacha qilichbozlar maxsus yo‘lakchasini o‘rnatish imkoniyatiga ega mashg‘ulotlar zali, 50 kishilik mehmonxona va trenajyor zalini o‘z ichiga oladi.

Sentyabrda O‘zbekiston Qilichbozlik federasiyasi rahbariyati oldiga 2020 yili Tokioda bo‘lib o‘tadigan XXXII yozgi Olimpiya o‘yinlari yo‘llanmalari va O‘yinlarda sovrinli o‘rinlarni qo‘lga kiritish vazifasi topshirilgan edi.

Bugungi kunga qadar mamlakatda jahon standartlariga javob beradigan faqatgina bitta qilichbozlik sporti saroyi Toshkentda faoliyat ko‘rsatar edi. Olimpiada-2020 ga tayyorgarlik ko‘rish va mazkur sport turini ommalashtirish maqsadida Andijonda yana bir sport majmuasini qurishga qaror qilindi.

Ob’ekt qurilishi uchun shahar tanlashda viloyatning demografik o‘ziga xosligi va London Olimpiadasi ishtirokchisi Ruslan Kudaev, Jamoaviy bahslar bo‘yicha Osiyo chempionlari — Javohir Nurmatov, Abdulbosit Nasriddinov, Sanjar Sobirov, Osiyo chempionatining ikki karra kumush medali sohibi Saidbek Djeenbaev kabi sportchilarni etkazib bergan qilichbozlik maktabining mavjudligi ham inobatga olindi.


arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » Andijonda qilichbozlik majmuasi ochildi