Mehnat vazirligi, KOICA va Hyundai Engineering kadrlar tayyorlash va ish bilan ta’minlash sohasida hamkorlik qiladi.
5 oktyabr kuni O‘zbekiston Mehnat vazirligi, Janubiy Koreya Xalqaro hamkorlik agentligi (KOICA) Hyundai Engineering vakolatxonasi o‘zaro tushunish to‘g‘risidagi memorandumni imzoladi. Hujjat O‘zbekiston va Janubiy Koreya o‘rtasidagi yaqin iqtisodiy va ijtimoiy hamkorlikni ta’minlashga yo‘naltirilgan, xabar qiladi "gazeta.uz".
Memorandumni imzolashga bag‘ishlangan marosimda O‘zbekiston mehnat vaziri Aziz Abduhakimov, KOICA prezidenti Kim In Shik, Koreya Respublikasining O‘zbekistondagi elchisi Song Dong Jun hamda KOICA`ning mamlakatdagi idorasi direktori Im Jong Xi ishtirok etdi.
Memorandumga muvofiq tomonlar quyidagi sohalarda hamkorlik qiladi:
O‘zbekistondagi kasb ta’limi markazlarini tamomlagan shaxslarni ish bilan ta’minlash;
O‘zbekistonda amalga oshiriladigan ijtimoiy faoliyatga hissa qo‘shish;
kasb ta’limi markazlari uchun o‘quv dasturlarini ishlab chiqish va insoniy va moddiy resurslarni jalb qilish;
kasbga tayyorlash bilan bog‘liq axboriy va insoniy resurslarni almashinish;
o‘zaro hamkorlik uchun zarur hisoblangan boshqa masalalarni hal etish.
O‘zbekistondagi KOICA kasbga tayyorlash markazlari bitiruvchilarining bir qismi Hyundai Engineering ishlab chiqarish muassasalarida mehnat amaliyotini o‘tashlari mumkin. Ushbu maskanlarda yuqori bahoga tamomlagan bitiruvchilar ish bilan ta’minlanishi mumkin.
2012 yildan Toshkentda KOICA bilan hamkorlikda Kasb ta’limi markazi faoliyat ko‘rsatib kelmoqda. O‘tgan davr mobaynida uni 2000 dan ziyod yosh kadrlar tamomladi. Joriy yildan shunday markaz Samarqandda ham ish boshladi. Kelgusida Urganch, Shahrisabz va Qo‘qonda kasb ta’limi markazlari ochilishi kutilmoqda. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Sirdaryoda budjetga juda ko‘p miqdorda zarar yetkazgan mayning ferma aniqlandi