10 километр баландликдан қулаб, омон қолган машҳур стюардесса вафот этди » Ўзбекистон янгиликлари – Zamin.uz
24-12-2016 | 16:04 ZAMIN.UZ / Жамият / 24 Декабр 2016
715

10 километр баландликдан қулаб, омон қолган машҳур стюардесса вафот этди

10 километр баландликдан қулаб, омон қолган машҳур стюардесса вафот этди

Белград шаҳрида 66 ёшда афсонавий стюардесса Весна Вулович вафот этди. У 1972 йилги McDonnell Douglas DC-9 самолётининг портлашидан сўнг омон қолган ягона инсон саналади. Бу ҳақда Kun.uz хабар берди.

Ҳаво лайнери бортида 23 йўловчи ва 5 нафар экипаж аъзоси, жумладан 22 ёшли Весна Вулович бўлган. Маълумки, қизнинг ўрнига бошқа борт кузатувчиси учиши лозим бўлган, бироқ авиакомпания хатоси билан айнан Весна бортда бўлган.

Собиқ борт кузатувчиси рекорд даражадаги баландликдан парашютсиз тушиб, омон қолган инсон ҳисобланарди.

ОАВ маълумотларига кўра, аёл бир неча кун телефон қўнғироқларига жавоб бермаган, шундан сўнг Вуловичнинг хавотирга тушган дўстлари полицияга мурожаат қилишди. Аёл яшаган квартирада эса унинг жасади топилди.

Вуловичнинг ўлимига нима сабаб бўлгани номаълум.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.