Тошкент ва Наманган вилояти зиёратчилари Мадина шаҳрига етиб келишди » Ўзбекистон янгиликлари – Zamin.uz
27-08-2016 | 12:38 ZAMIN.UZ / Жамият / 27 Август 2016
670

Тошкент ва Наманган вилояти зиёратчилари Мадина шаҳрига етиб келишди

Тошкент ва Наманган вилояти зиёратчилари Мадина шаҳрига етиб келишди

Куни кеча Тошкент ва Наманган вилояти зиёратчилари Наманган - Мадина йўналиши бўйича Мадина шаҳрига етиб келишди. Аэропортда меҳмонларни ишчи гуруҳ вакиллари кутиб олиб, аввалдан ҳозирланган меҳмонхонага жойлаштирди. Улар бугун муборак қадамжоларга зиёрат уюштирдилар. Ҳаммалари соғ ва саломат. Истиқлол сабаб мана шундай муқаддас манзилларга етказгани учун Аллоҳ таолога беадад ҳамд айтмоқдалар. Шукроналик ила дуога очилган қўллар Яратгандан юртимизга тинчлик, хотиржамлик, оилаларга фаровонлик ва қут-барака тиламоқда.
"Бизлар мана шундай жойларга, Аллоҳнинг байтига келиб ибодат қилишни орзу қилардик. Шукрки, ниятимизга эришдик. Бу ҳам бўлса, Аллоҳ таолонинг марҳамати, мустақиллик сабаб эришган ютуқларимизнинг самараси, деб биламан", дейди мингбулоқлик Турдиниса ая Мансурова.
Ватандошларимизнинг сафар таассуротлари билан улашишда давом этамиз. Бизни кузатиб боринг деб хабар беради "Кун" нашри.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.