Eng ko‘rimsiz avtomobillarning istalgan ro‘yxatini ko‘zdan kechirsangiz, ushbu mikrokar kamida beshlikka kiradi. Biroq xunuk bo‘lsa-da, u yalpi ishlab chiqarilgan va o‘z xaridorlarini topgan.
Floridadagi Sebring-Vanguard kompaniyasining asoschisi va egasi Robert Bomon 1970-yillarning boshida golf avtomobilidan ilhomlandi va avtomobil dizaynerini yoniga chorlab, yangi mashina loyihasini tuzishga kirishib ketdi. Uning rejasidagi mashina golf maydonchasida emas, umumfoydalanish yo‘llarida harakatlanish uchun mo‘ljallangandi. Kompaniyaning eng avval Vanguard Coupe nomli kichik elektromobil ishlab chiqardi, ammo bu mashina unchalik dovrug‘ qozonmadi. Robertning ikkinchi mashinasi CitiCar bo‘ldi.
Avtomobil minimalizm uslubida yaratilgan bo‘lib, nogironlar avtomobilini eslatardi. Uch xil modifikasiyada ishlab chiqarilgan. 1974 yilda chiqarilgan SV-36ning motorida 2,5, ikkinchi modifikasiya SV-48da 3,5 ot kuchi bor edi. Takomillashtirilgan uchinchi Transitional (1977 yil) versiyasida roppa-rosa 6ta otning kuchi bor edi.
Mashinalar ko‘rimsizligi uchunmi, savdosi yurishib ketmadi. Bomon 1977 yilda mashinasozlikni to‘xtatishga majbur bo‘ldi. Qizig‘i shundaki, uning kompaniyasi AQSh avtokompaniyalari reytingida General Motors, Ford, Chrysler, AMC va Checkerdan so‘ng oltinchi o‘rinda turardi.
Shundan so‘ng yoqimsiz dizaynga ham xaridor chiqdi va Bomon uni sotib yubordi. Yangi sohib CitiCar asosida avval Comuta-Car, so‘ngra Comuta-Van elektromobillarini ishlab chiqardi. Ularning maksimal tezligi soatiga 80 km, yo‘l zaxirasi esa 64 kmdan oshmasdi.
Aytib o‘tish kerakki, CitiCar va uning modifikasiyalari to Tesla paydo bo‘lgunga qadar Amerikadagi yalpi ishlab chiqarilgan elektromobil bo‘lgan. Ha, “kichkina demang bizni”, degani shu bo‘ladi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda
Mariya Zaxarova ukrainaliklarni Amerika hindulariga o‘xshatdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi